Te Juventusi nuk e kanë përjetuar shumë mirë humbjen në shtëpi përballë Napolit me golin e Raspadorit në shtesë.
Tensioni shihej te mënyra se si vepruan edhe pjesëtarët e stafit teknik pas ndeshjes, Marko Landuçi, zëvendëstrajneri, në tunelin e dhomave të zhveshjeve i është drejtuar Luçiano Spaletit me fjalët “qeros m***, ta ha zemrën”.
Por me sa duket ai nuk ka qenë i vetmi që ka reaguar ndaj rivalëve, pasi të njëjtën gjë e ka bërë edhe Masimiliano Alegri, ndoshta duke ndezur ai reagimin e ndihmësit.
Në një video që po qarkullon në rrjete sociale, shfaqet Alegri në fund të ndeshjes teksa futet i inatosur në tunelin që të çon në dhomat e zhveshjeve të stadiumit.
Duke mos mbajtur nervat, ai i drejtohet pankinës kundërshtare. “Shumë bukur, ia dolët që të fitonit një titull kampion”, shihet të thotë me tallje trajneri duke u larguar.
https://twitter.com/i/status/1650802761393471490
