Banorët e Bërxullës nuk ndalen dhe ditën e sotme sërish kanë dalë në protestë.
Ata i drejtohen qeverisë dukë kërkuar vlerësimin e pronës me çmimin e tregut dhe t’i jepet zgjidhje këtij problemi që përballen prej 8 muajsh tashmë.
Për mediat ata kanë deklaruar se tokat e tyre janë i vetmi burim inancuar për ta dhe se duhet që të vlerësohen sipas çmimit të tregut. Ndërkohë që kanë theksuar se deri sa të marrin përgjigje nga Hipoteka nuk kanë për tu tërhequr nga kërkesat e tyre të ligjshme.
“Kërkojmë të nxjerrin verat e banesave dhe pronave sipas vlerës së tregut. Si merret kjo pronë? Në do vazhdojmë me protesta para zyrave të Hipotekës, deri sa të na jepet zgjidhje, nuk tërhiqemi nga kërkesat tona të ligjshme”, shprehet një prej banorëve.
“Kush vjen për tek banesa ime, i gjallë nuk futet. Mos ta ketë të lehtë kryeministri dhe Balluku që do bëjnë rrugë në fshatin tonë”, thotë një banore tjetër.
“Shpresojmë në Zot sepse politikanët shqiptarë më të pafytyrë, më ordinerë që dalin nëpër fushata e kërkojnë vota. Na thonë na votoni prapë neve që të pimë gjakun e fëmijëve tuaj. Punimet po i avancojë paligjshmërisht. Kemi provat të vijmë të sekuestrojë punimet janë shkelur të gjithë të drejtat e banorëve të fshatit Bërxullë. Nuk po kërkojmë gjë tjetër, përveçse të jetojmë si fëmijët e këtyre, fëmijët tanë të jetojnë si fëmijët e këtyre. Na takon edhe neve të gëzojmë. Sa nuk është vonë të verifikojnë këto punime, është fundi i çdo gjëje. Shpresojmë në Zot sepse politikanët shqiptarë më të pafytyrë, më ordinerë që dalin nëpër fushata e kërkojnë vota, s’ka shpjegim. Na thonë na votoni prapë neve që të pimë gjakun e fëmijëve tuaj. Kryeministri të shohë si po rrëmbehen pronat tona dhe të gjithë fshatit Bërxullë”, tha nje banor tjeter.
Banorët e Bërxullës kanë protestuar prej gati 8 muajsh për projektin Thumanë-Kashar, ku pritet që të prishen me dhjetëra banesa.
Ata kanë hedhur akuza ndaj qeverisë por edhe firmës që ka marrë projektin “Gener 2”, se nuk janë treguar transparentë teksa kane kerkuar qe te dëmshpërblehen me çmimin e tregut.
