Nënkryetari i Partisë së Lirisë, Agim Nesho ka folur mbrëmjen e sotme për shpalljen non grata të ish kryeministrit Sali Berisha.
Ai u shpreh në studion e emisionit “Log.” në Panorama TV se goditja e Sali Berishës daton që në hartimin e projektit për Ballkanin e Hapur nga disa grupe interesi ndër to edhe George Soros.
Nesho theksoi se Berisha u godit që Rama të vazhdonte të qëndronte në pushtet për finalizimin e këtij projekti dhe ndryshimin e kufijve.
“Ka pasur grupe interesi ndër to edhe Soros të cilat kanë dashur të realizojnë një projekt politik në Ballkan duke zgjedhur Ramën dhe si dy agjentë të ndryshmit në Ballkan. Grupet e interesat kanë nxjerrë edhe pengesat për të realizuar një projekt të tillë. Në radhë të parë popullsia serbe ishte shumë pro ruse sepse ishte përdorur nga nacionalizmi serb për të justifikuar humbjet e tyre, Nëse do bëhet një martesë e tillë nga dy anët duhet të ekuilibrohej kjo dibalanancë. Ishte e palogjikshme kur ne shikonin shikonim një korrupsion galopant me përmasa biblike si te inceneratorët etj.
Dhe një kryeministër të papërgjegjshëm. Goditet një person që ishte larguar nga skena politike me masën ekstreme. Njerëz të tillë që kanë edhe peshë, edhe rëndësi historike aq më tepër presidenti Berisha dhe të tjerët që kanë kontributin e tyre në marrëdhënie me Amerikën. Këta po të shikosh, edhe qëndrimi i Berishës është shumë i drejtë. Gjithmonë përmend standardet e drejtësisë amerikane. Burokratët në administratën shtetërore amerikane kalojnë me projektet e organizatave të ndryshme dhe shtojnë karrierën e tyre. Ne jemi shumë larg jemi si provincë nga Amerika. Ne kemi pasur një rast në kohën e ministrit Milo na erdhi një kryeministër pa eksperiencë zoti Majko. Thoshte kryeministri tani bëni një deklaratë nga OKB-ja që nuk do sulmohet Shqipëria.
Këta persona burokratë shtyjnë axhendën e tyre politike. Janë interesat e Edi Ramës për të ndarë atë opozitën shqiptare, goditi një nga personalitetet për të arritur të krijonte marrëveshjen dhe të vazhdonte të qëndronte në pushtet. Nuk mund të bëhet Ballkani i Hapur dhe ndryshimi i kufijve nëse Rama largohet pas katër vitesh”, u shpreh Nesho.
