Një persona është shpallur në kërkim në Vlorë pasi akuzohet se ka kanosur dhe dhunuar një grua.
“Specialistët për Hetimin e Krimeve të Komisariatit të Policisë Vlorë referuan materialet në Prokurori dhe shpallën në kërkim shtetasin I.Sh., 37 vjeç, banues në Vlorë”, njoftoi policia.
Ky person, sipas të njëjtave burime, “ditën e djeshme në lagjen ‘Isa Boletini’, dyshohet se për motive të dobëta, ka kanosur dhe ka goditur me një send të fortë në kokë shtetasen E. K.(D), 39 vjeçe, banuese në Vlorë. Gjithashtu, dyshohet se ky shtetas e ka përndjekur 39-vjeçaren, për disa ditë”.
