Nënkryetari i Partisë së Lirisë, Petrit Vasili ka reaguar pas publikimit të skandalit për zyrtaren e kryeministrit Rama, Elira Kokona pasi kjo e fundit e emëruar si sekretare e përgjithshme e ministrisë së Kulturës, ka vazhduar paralelisht punën si avokate, madje në çështje në gjykatën e Strasburgut, edhe kundër vetë shtetit shqiptar.
Vasili shkruan në ‘Facebook’ se “rasti i Kokonës është fytyra e kalbëzimit të qeverisjes Rama pasi kjo e fundit ka larguar dhunshëm qindra punonjës të shërbimit civil për shkaqe qesharake”.
Vasili shton më tej se ky skandal është shëmbëlltyra e kësaj qeverisje që shkel ligjin për të cilat qindra milion euro i paguajnë shqiptarët nga humbja e gjyqeve në arbitrazhe.
Ai shprehet se rasti Kokona dhe mos reagimi i Edi Ramës është prova se hajdutëria shtetërore dhe antiligji kanë vetëm një frymëzues dhe mbështetës që është vetë Rama.
Postimi i plotë:
Rasti Kokona, fytyra e kalbezimit te qeverisjes Rama!
Rasti Elira Kokones tregon shume qarte se qeverisja e Edi Rames eshte nje shembelltyre haxhiqamiliste dhe mafioze. Tregon qarte se per qeverisjen e kalbur Rama Ligjet nuk ekzistojne dhe se interesi publik eshte vetem nje mundesi grabitjeje dhe jo nje detyrim madhor, qe duhet te mbrohet fort dhe ndershmerisht. Tregon qarte pafytyresine kesaj mender qeverisje, qe ka larguar dhunshem qindra punonjes te sherbimit civil per shkaqe qesharake vetem e vetem se nuk kane qene vegla qorre te shkeljes se ligjit dhe te abuzimit me interesin publik. Detyra e Sekretarit të Përgjithshëm të Shtetit me e larta ne hierarkine e sherbimit civil është kategorikisht e papërputhshme me ushtrimin e profesioneve të tjera. Rasti Kokona e cila duke qene Sekretare e Pergjithshme mbronte palë private si avokate kunder Qeverisë eshte nje kulmi i kalbezimit qeveritar. Sekretari i Pergjithshem eshte edhe vleresues i punes se punonjsve te tjere te sherbimit civil qe ajo ka ne vartesi. Po si mundet te vleresojne Sekretare te Pergjithshem qe shkelin vete per faqe te zeze ligjin e sherbimit civil.
Rasti Kokona eshte shembelltyra e kesaj qeverisje qe shkel cdo ligj e per te cilat qindra milion euro i paguajne shqiptaret nga humbja e gjyqeve ne arbitrazhe. Rasti Kokona dhe mos reagimi i Edi Rames eshte prova se hajduteria shteterore dhe antiligji kane vetem nje frymezues dhe mbeshtetes qe eshte vetë Rama. Rasti Kokona shuan cdo iluzion te mijra punonjsve te sherbimit civil se ata mund te kene mbrojtjen e ligjit persa kohe kryejne me ndershmeri punen e tyre. Mijra punonjes te sherbimit civil per sa kohe qeveris Edi Rama do te jene nen kercenimin dhe shantazhin e kamikaxeve alla Kokona, te cilet do zbatojne ne standart per vete dhe nje standart tjeter per punonjesin e thjeshte. Pra thene fare thjesht Elira Kokona, qe rezulton te jete Zv Sekretare e Pergjithshme e Qeverise mund te shkele çdo ligj ne konflikt te hapur interesi, ndersa Ylli Dylgjeri pas vitesh te tera puna shume korrekte ne sherbimin civil e larguan per ca vargje te shkruara ne FB privat.
