Milani barazoi me shifrat 1-1 kundër Napolit, në duelin e kthimit të vlefshëm për fazën çerekfinale të Ligës së Kampioneve, duke u konfirmuar si “mace e zezë” për skuadrën e Spaletit.
Kuqezinjtë e Piolit arritën të siguronin një biletë për në gjysmëfinale falë triumfit 1-0 në “San Siro”.
Lojtari më i mirë i ndeshjes nga UEFA është zgjedhur Rafael Leao, që dhuroi një magji në golin e shënuar nga Giroud, teksa i shtangu të gjithë me aksionin fantastik personal, duke dribluar si piketa futbollistët kundërshtarë.
Portugezi më pas shërbeu për Giroud që nuk fali me portën bosh. “Fitoi një penallti dhe dha një asist “alla Maradona” për golin e Milanit”, ishte komenti i panelit teknik të vëzhguesve të UEFA-s për lojtarin e ndeshjes.
