Kryeministri Edi Rama ka dalë nga spitali një ditë pas operimit në QSUT.
Rama iu nënshtrua operacionit pas problemeve me apandesitin.
Mësohet se Rama ka lënë ambientet e spitalit rreth orës 06:00 të mëngjesit të sotëm, rreth 24 orë nga ndërhyrja me laparoskopi që iu bë nga ekipi i kirurgjisë në QSUT, me në krye shefin e shërbimit Arben Gjata.
Mjekët njoftuan më herët se gjithçka kishte shkuar mirë dhe gjendja e tij ishte e qëndrueshme.
Në një deklaratë për mediat u shprehën se kryeministri do të rikuperohet brenda 2-3 ditësh.
