Gjykata e Tiranës ka vendosur që Gleard Gusholli, i riu i cili u arrestua se mbajti peng dhe dhunoi të dashurën e tij, do vijojë të qëndrojë në burg.
Ndërsa për katër të afërmit e tij, Bledi dhe Erlin Kateshi si dhe Besmir Nurcellëri e Arjan Sheta që u arrestuan për moskallëzim krimi dhe përkrahje të autorit, gjykata vendosi që hetimet të vazhdojnë në gjëndje të lirë.
Ndryshe nga ajo që ka referuar policia e Tiranës, Prokuroria ka rikualifikikuar veprën penale në ngarkim të Gushollit dhe e akuzon këtë të fundit për plagosje, dhunë në familje nëpërmjet kanosjes e kërcënimit për vrasje si dhe heqje të paligjshme të lirisë.
31-vjeçari Gleard Gusholli, i cili mbajti peng dhe dhunoi për 1 javë rresht bashkëjetuesen e tij, ka pranuar ditën e sotme akuzat, teksa ka dëshmuar dhe arsyen pse e ka kryer aktin.
Gusholli është shprehur se gjithçka ka ndodhur për shkaqe xhelozie.
Në fund të seancës, Gjykata e Tiranës caktoi masën e sigurisë “arrest me burg” për Gleard Gushollin dhe detyrim paraqitje për katër të arrestuarit e tjerë.
Lexo edhe: EMRAT/ Mban peng 1 javë bashkëjetuesen dhe e dhunon, pranga 31-vjeçarit dhe 4 shokëve
