Bartozh Salamon po bëhet gati për një pezullim të gjatë nga fushat e lojës. Mbrojtësi i Leç Poznan dhe kombëtares polake, ka humbur edhe apelimin para UEFA-s sa i përket çështjes së pezullimit të tij për përdorim dopingu.
Lojtari ishte kapur me një substancë të palejuar në organizëm prej dy javësh nga një kontroll i UEFA-s dhe prova B që ai përdori për apelim, ka vërtetuar në fakt praninë e saj, duke bërë tashmë të paevitueshëm një pezullim afatgjatë.
Salamon ishte nja nga lojtarë më të vlerësuar në fushën e lojës për Poloninë në ndeshjen e kualifikuesve të Euro 2024 ndaj Shqipërisë. Futbollisti mori lëvdata për mënyrën se si thuajse gjithmonë bllokoi Uzunin apo Cikalleshin, ndonëse kishte qenë një afrim i minutave të fundit në përfaqësuesen e drejtuar nga Fernando Santos.
Tashmë ai pritet të mungojë për të paktën 1 vit, që është minimumi i mundshëm i caktuar nga UEFA për raste të tilla, duke mos luajtur më në këto kualifikuese.
