Shefja e Misionit të Vëzhguesve të ODIHR, Audrey Glover është takuar ditën e sotme me kryetarin demokrat, Sali Berisha në selinë e Partisë Demokratike.
Në kuadër të takimeve të saj me të gjithë aktorët politikë në vend që marrin pjesë në zgjedhjet lokale të 14 majit, Glover u ndal në orën 13:00 në selinë blu, pasi më herët kishte takuar kreun e Partisë së Lirisë, Ilir Meta.
Takimi është me rëndësi të lartë pasi vjen në kuadër të fushatës për zgjedhjet lokale dhe këtë e ka konfirmuar vetë Berisha, teksa foli për mediat në mbyllje të tij.
Berisha shtoi se ky ishte një takim informues, ku demokratët nga ana e tyre i kanë paraqitur Glover çdo problematikë dhe shkelje të Kodit Zgjedhor të hasur deri më tani.
“PD është e vendosur për të çuar përpara procesin elektoral. Mendoj se zonja Glover ishte në një takim për tu informuar mbi pikëpamjet, faktet dhe zhvillimet sipas PD, të këtyre zgjedhjeve në Shqipëri. Ne paraqitëm të gjithë problematikët”, tha ish-kryeministri.
