Një ngjarje e rëndë është shënuar në Tetovë, në spitalin e gjinekologjisë, ku një nga mjekët ka xhiruar gratë në një nga sallat duke i nxjerrë live në TikTok, teksa bënte një “ndeshje” me një person tjetër.
“Doktori nga Tetova del live në sallën e gjinekologjisë dhe pa pikë turpi i shfaq trupin dhe fytyrat gravenë gjendje tmerruese, ky duhet dënuar. Kjo nuk tolerohet,“-shkruhet në videon që kanë xhiruar ndjekësit.
Në video dëgjohen gratë që bërtasin nga dhimbjet.
Mediat vendase raportojnë se drejtori i repartit është nisur drejt Sektorit të Punëve të Brendshme për ta raportuar rastin dhe për të vendosur para drejtësisë fajtorin.
Pëllumb Vela tha se e dënon rastin dhe se pret që organet e rendit ta zgjidhin këtë çështje sa më shpejt.
“Si drejtor edhe për të paraqitur rastin dhe me organet e rendit do të zgjidhim këtë çështje, sa më shpejt të jetë e mundshme. Kjo ngjarje nuk është e kuptueshme për ne dhe e dënojmë çdo sjellje joorofesionale të stafit mjekësor ndaj pacientëve,”- tha Vela.
