Kandidatja e opozitës për Korçën, Ledina Alolli, tha në fjalën e saj se realiteti është i zymtë në çdo qytet dhe fshat të vendit, nga jugu në veri.
“Energjia që çliron secili prej jush është energji e ndryshimit, triumfit dhe fitores. Ajo do jetë vendimtare më 14 maj. Pas kësaj date, do kemi privilegjin të drejtojmë bashkitë që janë të zhvatura dhe të lëna në mëshirë të fatit.
Nga jugu në veri, realiteti është i njëjtë, qytete të zbrazura, fshatra të braktisura. Si mund të digjen pas këta njerëz të korruptuar? Këta dinë të ecin përpara drejt greminës së sigurt.
Problematikat e Korçës janë të ngjashme me të gjitha bashkitë e tjera të drejtuara nga socialistët. Prej vitesh, pa asnjë ndryshim, banorët kërkojnë mbështetje minimale,” tha Alolli.
Ajo premtoi se pas 14 majit, ndryshimi do trokasë edhe për Korçën.
“Në Korçë, propaganda mbahet pas emrit të pazarit, në një vend ku biznesmenët ndëshkohen dhe nuk mbështeten në asnjë mënyrë. Nuk duhet të ketë asnjë dilemë, i kanë gjunjëzuar tregtarët në Korçë.
Nuk duhet të kemi asnjë dilemë më 14 maj, ata flasin për Korçën e tyre, ne flasim për Korçën e të gjithë qytetarëve. Ata për interesat e tyre, ne për interesat e të gjithë qytetarëve.
Nuk ka rrugë tjetër, më 14 maj është koha për ndryshim. Bashkë të votojmë numrin një, që është numri im si kandidate e Korçës. Fitore, fitore, fitore!” tha Alolli.
