Kryeprokurori Olsian Çela deklaroi se shumë shtete nuk i përgjigjen kërkesave të bëra nga drejtësia shqiptare për çështjen e dekriminalizimit.
Gjatë një prononcimi për mediat pas përfundimit të mbledhjes në KLP ku raportoi për raportin vjetor, Çela tha se ka munguar bashkëpunimi sa i takon kësaj çështje.
“Shumë shtete nuk na kthejnë përgjigje për çështjen e dekriminalizimit”, tha Çela.
“Kjo është çështje shqiptare që ne duam ta zgjidhim ndërkombëtarisht. Ne veprojmë në bazë të Konventave Ndërkombëtare. Kjo kërkon bashkëpunim në nivel të gjerë. Përgjithësisht pjesa më e madhe e shteteve nuk ofrojmë ndihmë përsa i përket çështjes së dekriminalizimit. Dy shtete kanë kthyer përgjigje”- shtoi Çela.
