Komisioni Qëndror i Zgjedhjeve i ka kthyer sërish në burg kreut të Partisë, Ilir Metajt, formularin e dekriminalizimit të dorëzuar për zgjedhjet parlamentare të 11 Majit.
Mësohet se Metaj nuk kishte deklaruar një ndalim në vitin 1992 për kryengritje, si edhe procesin gjyqësor në Gjykatën e Lartë për audio-përgjimin e Dritan Priftit. Pas riplotësimit, Ilir Meta pritet ta depozitojë sërish në KQZ.
Kreu i PL-së kandidon në listën e hapur në Qarkun e Tiranës nën logon e koalicionit “Shqipëria Madhështore” të opozitës që drejtohet nga Sali Berisha.
Ilir Meta ndodhet në paraburgim e burgut “313” që prej 21 Tetorit të vitit të kaular, kur u arrestua dhunshëm nga Policia në mes të ditës, me urdhër të SPAK
Masat ndaj tij u caktuan bazuar në hetimet për kontratat e konsulencës dhe lobimit në Shtetet e Bashkuara të Amerikës, për çështjen “CEZ-DIA”, pastrimin e produkteve të veprës penale në blerjen e një shtëpie në Tiranë si dhe mosdeklarimin e shpenzimeve mjekësore për periudhën 2013-2019, të cilat janë bashkuar në një dosje të vetme.
Ndaj Ilir Metës rëndojnë akuzat për 3 veprat penale “Korrupsioni pasiv i funksionarëve të lartë shtetërorë ose të zgjedhurve vendorë” në 3 (tre) raste nga të cilat në dy raste është kryer në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim dhe më shumë se një herë, dhe “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i cdo personi që ka detyrimin ligjor për deklarim”.
