Avokati Genc Gjokutaj, i ftuar në rubrikën “Opinion” në News24 ka folur në lidhje me vendimin e Gjykatës Kushtetuese për rrëzimin e ankimimit të 28 deputetëve të opozitës, ndërkohë që 2 prej tyre nuk janë më deputetë.
Gjokutaj u shpreh Kushtetuesja ka kohë që po përpiqet të gjejë justifikime procedurale që të mos nisë gjykimin e çështjeve në themel.
Gjokutaj foli gjithashtu edhe në lidhje me shembjen e “Prestige Resort”, të cilin e quajti një rast në shkelje të ligjit duke përdorur VKM.
Avokati sqaroi se për vetëm një cep të pishinës të dalë jashtë lejes, u shemb një hotel, ndërsa shtoi se VKM po përdoret si armë në duart e mazhorancës, për të goditur e sanksionuar këdo.
Pjesë nga diskutimi:
Gjokutaj: Kushtetuesja në trysni politike e në pamundësi për t’i hyrë shkaqeve reale e ankimit si ankimim për ta pranuar në lidhje me shkeljet e VKM, ka përdorur këtë shkak procedural. U bë kohë që GJK përdor shkaqe procedurale pa hyrë në themel.
Ata kur marrin një ankim të tillë shohin si të gjejnë shkaqe procedurale për të mos pranuar ankimin për shkaqe jo të objektit por procedurale.
Kanë bërë një interpretim të tyrin në kohën kur është bërë ankimi kanë qenë këto deputetë.
Për mua mungesa e dy deputetëve nuk cenon ligjshmërinë e ankimit. Vendimi i GJK nuk mund të kontestohet. Vnedimi do të mbetet i tillë si një praktikë e keqe nga një gjykatë që merret me kleçka procedurale për t’iu shmangur thelbit të ankimit.
Ne nuk e kemi vendimin në dorë, të shohim elementët të cilave GJK u është referuar.
Po hamendësojmë, edhe ata që kanë marrë pjesë në gjykim nuk e kanë në dorë vendimin.
Duhet të kishte reagim më të hershëm nga GJK?
Gjokutaj: Një gjykatë nuk e gjykoj nga afatet por nga kushtetuetshmëria dhe ligjshmëria e vendimit.
Ata kohët e fundit po gabojnë në afat dhe gjykimin në themel të çështjes, përveç elementit politik nuk ka element tjetër që ushtron trysni mbi drejtësinë.
VKM e miratuar nga qeveria
VKM është bërë në kulmin e një lufte politike, produkt i optikës së Ramës. Është vepruar në shumë raste me VKM apo akte normative ndërkohë që ligji i ka të zgjidhura.
Këta duan të barazojnë shpejtësinë e lëvizjeve politike me lëvizjen e procedurave ligjore.
Rasti VKM, rast flagrant që bien në kundërshtim me ligjin për zhvillimin e territorit.
Amnistohet vepra penale, i jepet anës administrative prioritet. Nëse një pallat 15 kate ka 3 kate pa leje ligji thotë konfiskohet i tëri. Kjo shkel parimin e proporcionalitetit.
Burim i drejtpërdrejtë i shkeljes të së drejtës së pronës, është fakti që për një cep pishine u shemb një hotel i tërë. Përveç interesit politik nuk ka arsye tjetër.
Është tejkaluar gjykata me këtë VKM. Pala e dëmtuar nesër shkoi në gjyq ku diskutohet ligjshmëria e pronës, e cila tashmë ishte shembur, ligji nuk ka qëllim shkaktimin e dëmit i çdo lloj natyre qoftë ai. Që të shembësh një pronë dhe nesër të bëhet gjyqi me një pronë të shembull, është të gjykosh një të vdekur që ka vdekur një ditë më parë.
VKM një armë në dorën e mazhorancës për të targetuar këdo e për të aplikuar sanksione që ligji në asnjë rast nuk do t’i lejonte.
Po në lidhje me rastin Becchetti?
Gjokutaj: Kryeministri e qeveria fitojnë çdo gjyq brenda vendit dhe jashtë vendit marrin një vendim të kundërt?
Dilet kaq kollaj nga juridiksioni i Arbitrazhit?
Nëse dilet, duhet dalë nga Banka Botërore, duhen kthyer të gjitha investimet që BB ka bërë në vendin tonë.
