Policia e Tiranës ka vënë në pranga dy persona pasi posedonin lëndë narkotike.
Shtetasi A.K, 32 vjeç iu gjet një sasi e vogël lënde narkotike e dyshuar kanabis ndërsa 48 vjeçarit S.P iu gjet heroinë.
“Specialistët për Hetimim e Narkotikëve arrestuan shtetasit:
– A. K., 32 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan, në cilësinë e provës materiale, një sasi të vogël lënde të dyshuar narkotike kanabis;
– S. P., 48 vjeç, banues në Tiranë, pasi gjatë kontrollit fizik, shërbimet e Policisë i gjetën dhe sekuestruan, në cilësinë e provës materiale, një sasi të vogël lënde të dyshuar narkotike heroinë.“, njofton policia.
Materialet i kaluan Prokurorisë për veprime të mëtejshme.
