KF Tërbuni është përjashtuar nga aktiviteti futbollistik për sezonin 2022-2023 të Kategorisë Parë duke zbritur një kategori më poshtë.
Ishte ky vendimi i marrë nga Komisioni i Disiplinës, ndërsa e ka gjobitur klubin pukjan edhe me 300 mijë lekë.
Menjëherë pas këtij vendimi, ka reaguar vetë klubi verior.
Përmes një postimi në Facebook, shkruhet se ky është një sulm i hapur që i bëhet ekipit nga federata e futbollit dhe se klubi do të apelojë çështjen deri në gjykatat më të larta sportive.
DEKLARATA E KLUBIT:
Pasi mësuam vendimet absurde të komisionit të disiplinës të ndërmarra për ekipin tonë, Klub Futboll “TËRBUNI PUKË” reagon ndaj këtyre vendimeve të pa bazuara në fakte, të turpshme dhe të pa merituara. Kjo është një sulm haptaz që i bëhet ekipit tonë nga federata e futbollit. Klubi ynë do ta apelojë çështjen deri në gjykatat më të larta sportive.
