Me afrimin e zgjedhjeve në komunat veriore, po konsiderohet se nuk ka kushte të duhura për mbajtjen e zgjedhjeve.
Tash e sa muaj kësaj zyreje i është vënë dryni.Edhe pse pak ditë kanë mbetur nga zgjedhjet komunale nq veri, si pasojë e përshkallëzimeve te fundit, zyra e Komisionit Zgjedhor Komunal është e mbyllur.
Madje këto dite qytetarët e komunave veriore të cilët kanë ndërruar targat nga KM në RKS janë përballur me djegie të veturave të tyre.
Të gjitha këto ngjarje sipas analistit serb, Branislav Kerstiq, janë tregues që nuk ka kushte për mbajtjen e zgjedhjeve në komunat veriore.Kerstiq shton se Qeveria e Kosovës duhet t’i krijojë kushtet e sigurisë që qytetarët serb të mos frikësohen nga Beogradi për të dalë në zgjedhje.
Pritje më të mira për zgjedhjet ka kandidati për kryetar të Mitrovicës së Veriut, Betim Osmani.
Sido që të jetë, edhe sipas tij duhet të ketë kushte më të favorshme për mbajtjen e tyre.
Por se çfarë ndikimi mund të ketë lista serbe në këto zgjedhje tregon kandidatja për kryetare të Zveçanit, Sladjana Pantoviq.
“Natyrisht, populli do të dalë, sepse populli është i indinjuar me punën dhe politikën e Listës Serbe, e cila ka dhjetë vjet që po terrorizon dhe dikton popullin. Siç e dini, një numër i madh i punëtorëve kanë dhënë dorëheqje nga institucionet e Kosovës në muajin nëntor me urdhër të Listës Serbe, por kam folur me shumë njerëz të profileve të ndryshme, të cilët thonë pa frikë dhe pa frikë se do të votojnë në zgjedhje, sepse të gjithë është i ngopur. Kur të vij në pushtet do ta korrigjoj gjithë atë padrejtësi dhe do t’i kthej në punë njerëzit e pafajshëm, pavarësisht nëse janë të Listës Serbe apo jo”, tha Sladjana Pantoviq, kandidate për kryetare në Zveçan.
Ndërkaq edhe nga koalicioni i organizatave joqeveritare, “Demokracia në Veprim”, kanë ardhur në përfundim se në rrethanat aktuale nuk ka mundësi që të zhvillohen zgjedhje të lira në veri të vendit më 23 prill.
