Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, thotë se Kosova dhe Serbia u zotuan për rrugën drejt normalizimit dhe zbatimin aneksit, ndërsa kërkoi që të zbatohen të gjitha detyrimet nga të dyja palë. Borrell bën thirrje që palët të shmangin përshkallëzimet.
Deklarata e tij vjen pas ditës së djeshme pas takimit që zhvilloi në Bruksel mes zëvendëskryeministrit të Kosovës, Besnik Bislimit dhe drejtorit i të ashtuquajturës “Zyre për Kosovën” në Qeverinë e Serbisë, Petar Petkoviq.
“Serbia dhe Kosova u zotuan për Marrëveshjen për rrugën drejt normalizimit dhe aneksin e saj. BE pret që të dyja të respektojnë të gjitha detyrimet prej saj dhe të fillojnë zbatimin sa më shpejt. Palët duhet të shmangin çdo përshkallëzim. Përkthimi i angazhimeve të tyre në rrugët e tyre evropiane është në vazhdim”- shkruan Borrell në një postim në rrjete sociale.
