Miqësia mes Kryeministrit Edi Rama dhe Aleksandër Vucic i ka dhënë terren dhe prioritet Serbisë në raport me Shqipërinë dhe veçanërisht Kosovën.
Nisma e Vucic dhe Ramës, “Ballkani i Hapur” aq shumë e kritikuar nga vendet e tjera perëndimore është një avantazh që kryeministri shqiptar i ka dhënë Serbisë pasi në mënyrë indirekte ka izoluar Kosovën.
Tashmë është e qartë që qeveria shqiptare punon për interesat e Serbisë. Së fundmi kryetari i Partisë Shqiptare “Atdheu”, Kreshnik Osmani ka publikuar një skandal të vërtetë të një aktiviteti qeveritar ku merr pjesë edhe zv/kryeministrja Belinda Balluku.
Sipas, Partisë Atdheu në Konventën e Turizmit të organizuar në Tiranë shfaqet harta ku Kosova shihet si pjesë e Serbisë. Osmani shkruan se kur ky skandal i Rilindjes ndodh në Shqipëri imagjinoni çfarë ndodh në Beograd.
“Vijon pabesia me ritme të frikshme dhe nuk ndalen skandalet me Rilindjen. Ato nuk janë rastësi sigurisht as skandale, por dicka e mirëpregatitur për të përcjellë mesazhet e duhura dhe për të përgatitur subkoshinecën e shqiptarëve se kjo është Epoka e Serbisë. Po të shihni hartën me kujdes Kosova shfaqet si pjesë e Serbisë në Konventën e Turizmit në Tiranë ku ka një fjalim zv/Kryeministrja Belinda Balluku.
Kjo po ndodh në Tiranë, imagjinoni cfarë po ndodh në Beograd. Shumë prej jush mund të më thonë, O Kreshnik na lodhët me konstatime, ka ardhur koha për të vepruar. Ne po veprojmë dhe po organizohemi me të gjitha mundësitë tona por duam të na bashkohesh edhe ti që je i dëshpëruar edhe ti që bën sikur nuk shikon edhe ti që po mendon të arratisesh nga Shqipëria. Ne po organizojmë çetën e shqiptarëve që do t’i dalin Zot vendit dhe do të përballen me tradhtinë e madhe. Mund të na shkruash këtu në Ëatsup pasi kjo faqe është e lidhur me Watsup, ose tek Partia Atdheu qe tashme do te jete Levizja Atdheu. Perpara se ta fundosin perfunsimisht Shqiperine do ta lene pa Opozite dhe gjithcka po leviz me precizionin e nje ore zvicerane. Ne duhet ta ndalim kete. Askush nuk është më i rëndësishëm dhe më i madh se vendi i vet!”, shkruan Partia Atdheu teksa publikon foton më poshte:
