Policia ka arrestuar në flagrancë një qytetar banues në fshatin Degë në Tropojë, për armëmbajtje pa leje.
Blutë bëjnë me dije se në pranga ka rënë shtetasi D.H, ndërsa gjatë kontrollit në banesë i janë gjetur dhe sekuestruar një armë zjarri automatik dhe një sasi municioni luftarak.
“Shërbimet e Komisariatit të Policisë Tropojë kanë organizuar punën dhe kanë ushtruar kontroll në banesën e shtetasit D. H., në fshatin Degë.
Shërbimet e Policisë, gjatë kontrollit të ushtruar në banesë, gjetën dhe sekuestruan në cilësinë e provës materiale një armë zjarri automatik dhe një sasi municioni luftarak, të cilat ky shtetas i mbante pa leje.
Në vijim të veprimeve u arrestua në flagrancë, për veprën penale “Mbajtja pa leje dhe prodhimi i armëve, armëve shpërthyese dhe i municionit”, shtetasi D. H., banues në fshatin Degë, Tropojë”,- njofton policia.
Materialet i hetimore i kaluan Prokurorisë pranë Gjykatës së Shkallës së Parë Tropojë, për veprime të mëtejshme.
