Mediat italiane njoftojnë një ngjarje të rëndë që ka përfshirë dy shqiptarë. Mësohet se është vrarë me thikë një grua rreth 60-vjeçare dhe shitëse dyqani me kombësi shqiptare. Tragjedia ndodhi në orët e para të pasdites së sotme, të mërkurën 30 mars 2023, në via del Crociere, në zonën Borgo Rivo në Terni.
Vdekja, nga sa mësohet, do të kishte ndodhur në kulmin e një mosmarrëveshjeje në familje gjatë së cilës zonja do të ishte goditur nga disa plagë me thikë. Punonjësit e Policisë së Shtetit, kanë ndërhyrë në vend dhe kanë arrestuar një person. Zbulohet se është bashkëshorti i saj shqiptar.
Në vendngjarje ka mbërritur edhe menaxheri i ekipit të Terni Mobile, Davide Caldarozzi, së bashku me zv/prokurorin publik, Giorgio Panucci. Nga informacionet e deritanishme lë të kuptohet që, sherri vdekjeprurës mund të jetë shkaktuar për çështje xhelozie.
Në shtëpi, në Borgo Rivo, i pari do të vinte djali që punonte në provincën e Viterbos. I riu mesa duket ka marrë një telefonatë nga babai i tij teksa nëna e tij po bërtiste. Menjëherë më pas ka nisur kërkesa për ndërhyrje nga policia e shtetit.
Bashkëshorti i gruas është shoqëruar në policinë e Shtetit të Ternit. Burri, një shtetas shqiptar 62 vjeç, me banim të ligjshëm në Itali, aktualisht pa punë, është dërguar në Komisariat për të sqaruar pozicionin e tij.
62-vjeçarja në një dyqan lokal peshku.
