Kreu i qeverisë Edi Rama është shprehur se pensionet janë të lidhura me kontributet kur u pyet nëse këto të fundit do të rriten.
Në një deklaratë për mediat, kryeministri theksoi se sa më të larta të jenë kontributet ndër vite nga qytetarët, në bazë të tyre vlerësohen dhe pensionet.
“Pensionet janë të lidhura me kontributet. Nuk janë të lidhura me sa duam që t’i rrisim por me sa duam. Nëse një vend për një mijë e një arsye nuk ka siguruar në vite e në vite që kontributet të mblidhen dhe nëse pjesa më e madhe i kanë parë pensionet si gjëja e fundit për të cilën duhet të mendojnë, atëherë s’kanë si të mendojnë që pensionet e tyre të jenë të larta. Do të bëjmë çmos që të rikuperojmë pensionet. Është një gropë shumë e madhe për pensionet”- tha Rama.
