Kryetari i PD-së, Sali Berisha ka reaguar pas sulmit të “Top Channel” pas mesnatës, ku mbeti i vdekur roja i godinës së televizionit.
Berisha e cilëson ngjarjen “një akt kriminal të shëmtuar”.
“Sulmohet me armë zjarri Top Channel dhe ekzekutohet në kabinën e tij roja e objektit. Dënoj me ashpërsinë më të madhe këtë akt të shëmtuar kriminal dhe i shpreh ngushëllimet e mia më të ndjera familjes së viktimës, miqve, të afërmve dhe kolektivit të Top Channel. Denoncoj këtë akt kriminal, si dëshmi tjetër e dhimbshme e pasigurisë së plotë, që ekziston sot në vend nga vendosja e rendit nga regjimi në duart e krimit”, shton ai.
