Ilir Alimehmeti, një nga të zgjedhur për Këshilltarët Bashkiak, gjatë mbledhjes që Belin Këlliçi ka zhvilluar për të prezantuar planin për biznesin e vogël, së pari ofron mbështetjen e tij të plotë për kandidatin e Bashkisë Tiranë, Belind Këlliçin.
Më pas ai ndalet te taksa e Infrastrukturës Arsimore, për të cilën thotë se askush tjetër përveç nesh nuk e paguan, pasi llogaritet të buxheti i stetit dhe duhet të ishte falas. Alimehmeti premton, se vjedhjet që janë duke u bërë tani nga qeveria aktuale, në momentin që Këlliçi ka për t’u zgjedhur kryetar, këto vjedhje do të zhduken.
Ai akuzon gjithashtu për mostransparencë me qytetarët nga Bashka dhe tregon se janë marrë vendime, për të cilat qytetarët shqiptarë do duhet t’i paguajnë deri në vitin 2025.
Ilir Alimehmeti: “Unë doja të falenderoja, jo vetëm ju që jeni këtu, por dhe ekipin e ekspertëve që ka prodhuar këtë program me këmbët në tokë. Nuk do mbështesim diçka të mbinatyrshme, por gjëra të realizueshme, të bëshme për të mirën e të gjithëve. Unë nuk jam ekonomist, por unë do marrë vetëm një element, që e ka vetëm bashkia e Tiranës.
Është taksa e Infrastrukturës Arsimore, është një taksë e paguajmë vetëm ne. nuk e paguan askush tjetër, totalisht antikushtetuese, sepse arsimin e mbulon buxheti i shtetit, dhe është falas. Ajo që ju nuk dini është se deri tani kemi paguar 41 milionë euro, i keni paguar. Por fëmijët tonë, shumica dërrmuese, janë me dy turne. Pra edhe këto që kemi paguar në mënyrë antikushtetuese, nuk janë përkthyer në mundësi që fëmijët tanë të kenë ato shkolla që duhet të kishin. Veç kësaj ka një VKB, që e ka shtyrë dhe tre vite të tjera këtë taksë të përkohshme. Për tre vite të tjera do na marrin dhe 21 milionë euro.
Por ka një ligj për Vetëqeverisjen Vendore, që thotë se: një taksë që është e përkoshme, s`mund të jetë më shumë se tre vjet. Ka dhe një pikë tjetër që thotë se taksa nuk mund të jetë jo më shumë se 35% të vlerës së taksës së ndërtetës. Sot një biznes i madh që paguan 370 mijë lekë në vit këtë taksë, nuk do duhej të paguante më shumë se 240 lekë të vjetra. Këto janë ato që flasim, ato vjedhjet që ne flasim, të cilat pas fitores së Z.Këlliçit do zhduken. Dhe një element tjetër i rëndësishëm, që të kuptoni sesi operon Këshilli Bashkiak sot. Duhet ti kishte nisur iniciativat ligjore që në Korrik të vitit 2022 dhe duhet të kishte bërë të paktën 5 dëgjesa publike. Ju ishit në dijeni të këtij vendimi? Që do paguani deri në 2025. Ndërkohë, taksat jeni duke i paguar dhe nuk ishit në dijeni që ishte marrë një vendim i tillë. Kjo prej 15 majit merr fund, transparencë e plotë. Në fund fare çdo taksë tjetër do shkojë në destinacion dhe jo në xhepat e atyre që i mbledh.”
