Një 46-vjeçar shqiptar, identiteti i të cilit nuk bëhet ende i ditur, ka rënë në prangat e policisë italiane pasditen e djeshme për drogë.
Pasditen e djeshme në Casalbarbato di Fontanellato, patrulla e policisë urdhëroi të ndalonte një makinë që kalonte, por shoferi, duke iu shmangur sinjalit, përshpejtoi dhe iku. Gjatë ndjekjes ai hodhi një qese nga dritarja.
Pas pak minutash për shkak të shpejtësisë së tepërt, mjeti pranë një kthese ka dalë nga rruga, duke rrëzuar një shtyllë dhe më pas është përmbysur.
46-vjeçari tentoi të ikë, por u kap pak më pas.
Kontrolli i mëpasshëm i rrugës bëri të mundur gjetjen e qeses së hedhur që përmbante një peshore precize dhe një gur kokaine me peshë 30 gram.
