Kreu i Partisë Demokratike, Sali Berisha ka hedhur akuza të forta për aferën e inceneratorëve.
Gjatë një deklarate për mediat nga selia blu, Berisha tha se në media ka dalë informacione se Arben Ahmetaj ka udhëtuar drejt Londrës për të arritur një marrëveshje me Ramën. Berisha e konsideroi Ramën përgjegjës kryesor në aferën e inceneratorëve, duke futur në kurth ministrat për të vjedhur në emër të tyre.
Gjithashtu, Berisha i bëri thirrje ish-zv/kryeministrit Arben Ahmetaj që të bëhet i penduari i Drejtësisë duke rrëfyer presionin dhe korrupsionin e madhe të Edi Ramës referuar aferës së inceneratorëve.
“Mediat njoftojnë se “tigri i korrupsionit” ka luftuar në Londër për një marrëveshje me Edi Ramën. Nuk mund të konfirmoj as të mohon të këtë udhëtim. Siguroj shqiptarët se Arben Ahmetaj është një nga personat kryesorë të mega-aferë. Njëshi në këtë aferë është Edi Rama.
E kam thënë edhe e them, Edi Rama është njeriu që ka firmosur për kontratën me negociata të mbyllura në kundërshtim flagrant me ligjet e vendit dhe agjencinë kombëtare të prokurimeve publike. Edi Rama është njeri përgjegjës më kryesor sepse ka mobilizuar fondin rezervë të këshillit të ministrave për sipërmarrjen e tij të djegësave.
Ato para iu dhanë Lefterit, hajde t ‘i vjedhim së bashku por ti do kesh një pjesë të vogël se pjesën e madhe do e marrim ne të tjerët. Edi Rama 8 muaj para se të krijohej sipërmarrja e Mërtirit dhe Zotos i akodoid asaj me VKM bonusin prej 8 pikësh. Edi Rama është njeriu direkt përgjegjës për djegësat sepse dokumentet faktojnë se ai i ka bërë presion Ahmetajt për të firmosur. Janë pra një seri rrethanash. Edi Rama është implikuar me thjeshtrën e tij në fushën e Porto Romanos. Një ditë vendosi që aty të ndërtohej një eko-park. Por jo vetëm kaq, por projektin e eko-parkut do e bënte si nënkontraktore, kompania ku punon thjeshtra e tij. Mirëpo SKAP-i është i partisë dhe është sot për sot, organi më i kapur në drejtësinë dhe gjithë shtetin shqiptar”, deklaroi Berisha.
- SPAK shpall nën hetim Arben Ahmetajn
Ish-zv/kryeministri Arben Ahmetaj është marrë zyrtarisht nën hetim nga SPAK për 3 akuza të rënda. Burimet mediatike bëjnë me dije se Prokuroria e Posaçme Kundër Korrupsionit dhe Krimit të Organizuar ka shënuar në regjistër emrin e Arben Ahmetajt ndaj të cilit zhvillohen hetime për tre vepra pena si “Shpërdorim detyre”, “Korrupsion pasiv” dhe “Pastrim i produkteve të veprës penale”.
Mësohet se SPAK ka bashkuar dy procedime ndarjen e fraksionit për inceneratorin e Elbasanit ku po hetohet për shpërdorim detyre dhe korrupsion dhe pastrim parash pas kallëzimit qe i është bërë për vilën në Hamallaj. Në lidhje me pasuritë SPAK ka marrë në pyetje shumë persona mes të cilëve edhe ish bashkëshorten e cila ka deklaruar se ka në pronësi vetëm shtëpinë në ish bllok ndërsa vila në Palasë nuk është e saja.
