Artur Meçollari mëngjesin e sotëm është paraqitur sërish në SPAK.
Ish-gjenerali i Flotës Detare në Forcat e Armatosura Artur Meçollari, është rikthyer në Prokurorinë e Posaçme për të dhënë deklarime mbi kallëzimin e bërë prej tij, në lidhje me pronat e ushtrisë në portin e Shëngjinit.
SPAK po heton prej vitit 2021 dy kallëzime të bëra nga Meçollari kundër zyrtarëve të tanishëm dhe ish-zyrtarëve të lartë të Ministrisë së Mbrojtjes dhe Forcave të Armatosura, të cilët i akuzon për tjetërsim të pronave ushtarake, pa marrë miratimin e Presidentit të Republikës.
Një prej kallëzimeve është për bazën detare në Sarandë, ndërsa tjetri, për të cilën ka kallëzuar edhe presidentin aktual të republikës Bajram Begaj, është për bazën ushtarake në Shëngjin.
Lidhur me kallëzimet pritet të thirret edhe Ministrja e Jashtme Olta Xhaçka, si person i akuzuar.
