Vladimir Putin ka deklaruar se nëse Britania e Madhe do të dërgojë municione me përbërjeje uraniumi të varfëruar në Ukrainë, Rusisë do t’i duhet të përgjigjet.
Sipas deklaratave të liderit rus, Britania e Madhe me dërgimin e kësaj ndihme ushtarake do ta përshkallëzonte situatën, “pasi Perëndimi ka nisur që tani që të përdorë armë me përbërje nukleare.
Çfarë është uranium i varfëruar?
Uraniumi i varfëruar është materiali që lihet pasi pjesa më radioactive e uraniumit, që njihet simbolikisht si U-235- hiqet nga hiqet nga minerali natyror i uraniumit. U-235 siguron karburantin e përdorur për prodhimin e energjisë bërthamore dhe shpërthimet e fuqishme të përdorura në armët bërthamore,
Megjithatë, DU është më pak radioaktiv dhe kryesisht emeton grimca alfa, që nuk kanë energji të mjaftueshme për të depërtuar në lëkurë, kështu që ekspozimi jashtë trupit nuk konsiderohet si rrezik serioz. Megjithatë, nëse gëlltitet apo thithet përmes frymëmarrjes.
Por a mund të cilësohet si armë bërthamore?
Sipas Institutit të OKB-së për Hulumtimin e Çarmatimit, municionet me uranium të varfëruar nuk mund të konsiderohen si armë bërthamore. Uraniumi i varfëruar nuk i plotëson përkufizimet ligjore të armëve bërthamore, radiologjike, toksinike, kimike, helmuese ose ndezëse.
DU përdoret në armë sepse mund të depërtojë më lehtë në tanke dhe forca të blinduara për shkak të densitetit dhe vetive të tjera fizike.
Ushtria britanike e ka përdorur materialin në predhat e saj “për dekada”, tha ministria e mbrojtjes në përgjigje të komenteve të liderit rus.
“Është një komponent standard dhe nuk ka të bëjë me armët apo aftësitë bërthamore”, shtoi Ministria britanike e Mbrojtjes.
