Kryeministri Edi Rama u shpreh se procesi i rrugës së anëtarësimit drejt BE-së ka qenë i vështirë dhe disa herë edhe i padrejtë.
Në konferencën me delegacionin e BE-së, ai foli edhe për arrestimet e drejtësisë lidhur me zyrtarët socialistë, duke thënë se drejtësia po ndëshkon zyrtarë edhe të pushtetit, pa parë majtas e djathtas.
Edi Rama: Reforma në drejtësi ka filluar të japë fryte. Natyrisht nuk është një fushë me lule, ka ferra dhe gropa. Një gjë është fakt; në shqipëri po ndodh ajo që pak kohë më parë nuk e imagjinonte, drejtësia në shqipëri, po godet njerëz të lidhur me pushtetin apo jo, por këta të parët kanë më shumë rëndësi, ashtu sikurse nuk ka ndodhur kurrë në historinë e këtij vendi.
Këto institucione po tregojnë dhe bashkë me ta edhe ne, se koha e të paprekshmëve dhe të strehuarve nën ombrellën e pushtetit ka mbaruar. Në rajon ne jemi i vetmi vend që e ka bërë këtë reformë, nuk di vend tjetër të rajonit ku drejtësia godet pa parë majtas e djathtas, por duke parë vetëm drejt. E kemi mbështetur drejtësinë dhe cilido që ka punë me drejtësinë duhet të marrë avokat.
