Luçiano Boçi sjell dëshminë e një punonjëse të bashkisë Elbasan për të kuptuar “ç’ka fshihet, siç shprehet ai, pas luleve artificiale dje në qytet.
Në një postim në FB një ditë pas ditës së Verës, kandiati i opozitës për Elbasanin për zgjedhjet lokale të 14 Majit, shkruan se qytetit i ka hije sepse tradita e tillë është që në Ditën e Verës të dominojnë lulet dhe ngjyrat.
“Jo më kot është edhe Dita e Luleve. Por në rrugë dhe muret e Kalasë u shfaqën vetëm lule artificiale”, shton.
Për këdo që është çuditur se ku janë lulet natyrale, shpjegimin e merrni nga një punonjëse e Bashkisë Elbasan që informon se çfarë fshihet pas luleve artificialë, shton Boçi, ndërsa më tej sjell edhe dëshminë e kësaj të fundit:
“Z.Luçiano lulet artificiale që janë vendosur nëpër muret e kalasë janë marrë që në vitin 2019, sapo erdhi Gledi në Bashki. Për ato lule, punonjësit e ASHP-s janë thirrur nga SPAK në muajin Shtator 2022. Pra janë thirrur për tenderin e vitit 2019. Një pjesë e madhe e luleve artificiale erdhën nga Tirana, nën mbikëqyrjen e bashkëshortes së Gledit. I detyruan punonjësit të firmosin procesverbalin e marrjes në dorëzim, pasi sasia dhe cilësia…….janë skandaloze”.
Reagimin për rastin e mbyll me zotimin: Vjedhin në ikje, vjedhin por po lënë gjurmë! Shumë shpejt do japin llogari për çdo qindarkë që po i vjedhin qytetarëve të Elbasanit!
