Mbrëmjen e së mërkurës, opozita e bashkuar ka dorëzuar në KQZ kërkesën për regjistrimin e koalicionit në zgjedhjet lokale të 14 majit.
Në kërkesën e bërë nga Partia e Lirisë, zbulohet se koalicioni do të njihet me emrin “Bashkë Fitojmë” si dhe sigla e cila do të përdoret në fushatë dhe në fletën e votimit.
Dorëzimi i dokumenteve të regjistrimi në KQZ është bërë nga nënkryetari i Partisë së Lirisë, Endrit Brahimllari.
Në këtë koalicion opozitar bëjnë pjesë: Partia e Lirisë; Partia Demokratike e Shqipërisë; Partia Demokratistiane dhe Partia Bashkimi për të Drejtat e Njeriut.
Dokumenti i dorëzuar nga Partia e Lirisë në KQZ:
- Çfarë ndodhi dje? KQZ refuzoi regjistrimin e grupit Alibeaj me logon e Partise Demokratike:
Grupi i Alibeajt nuk do të regjistrohet në zgjedhjet lokale të 14 majit. Vendimi është marrë nga Komisioneri Shtetëror për Zgjedhjet, Ilirjan Celibashi, në mbledhjen e KQZ-së.
Sipas KQZ, legjitimitetin për të kërkuar legjitimitetin për regjistrimin e PD në zgjedhje e ka Lulzim Basha, i cili ligjërisht figuron kryetar, edhe pse ka dhënë publikisht dorëheqjen. Por problem është fakti që Basha nuk ka firmosur deklaratën solemne për regjistrimin në zgjedhje.
