Kryetari i PD-së, Sali Berisha ka reaguar pas vrasjen së stome në Tiranë, ku viktimë mbeti një grua rreth të 60-tave dhe u plagosën 6 persona.
Në një postim në rrjetet sociale, Berisha shpërndan një video nga një deklaratë e kryeministrit Edi Rama në një emision televiziv, i cili duke folur për përplasjet mes grupeve kriminale, do të shprehej: Të hanë kokën e njeri-tjetrit!
Në reagimin e tij, Berisha shkruan:
Përgjaket Tirana nga banda të qeverisë.
Rendi dhe siguria ne duart e krimit.
Nga breshëritë e vrasësve mbetet e vdekur një grua, Mimoza Paja, ndërsa 5 të tjerë të plagosur, mes tyre një vajzë 10 vjeçare! I shpreh ngushëllime familjes së viktimës dhe uroj shërim të shpejtë të plagosurve. Gjithashtu dënoj me forcën më të madhe autorët e kësaj masakre dhe denoncoj lidhjet e tmerrshme të qeveritarëve me bandat dhe krimin, si faktori më kryesor që ka vendosur rendin dhe sigurinë në duart e bandave të lidhura ngushtë me qeverinë. sb
Ps video deshmon qarte se me parimin ti hajne koken njeri tjetrit Edi Rama rendin dhe sigurine u a ka besuar bandave dhe krimit!
