Familja e foshnjës 1 vjeç, i cili u i infektua me HIV/AIDS në QSUT edhe pse me dy prindër negativ, e që bëri autoritetet shqiptare të pranojnë dështimin e tyre për të hetuar rastin, mësohet se kanë marrë të e qëndrimit në Itali.
Vendimi është marrë nga Gjykata e Minorenëve të Romës, e cila argumenton në shkresën e saj, se duke marrë parasysh shtrimet e njëpasnjëshme dhe nevojën e kujdesit më të specializuar, autorizohet qëndrimi i foshnjës në Itali.
Autoritetet italiane thonë se foshnja do të ketë mundësinë të ndiqet nga specialistët e fushës, në një nga spitalet më të mira pediatrike në botë, i quajtur “Bambino Gesù”.
Kujtojmë se pak javë më parë, prindërit fituan betejën ligjore në Gjykatën e Apelit ndaj prokurorit Saimir Hysi. Ky i fundit, kishte vendosur mosfillimin e hetimit për rastin, me argumentimin se nuk ka pasur neglizhencë mjekësore nga ana e mjekëve, ndryshe nga pretendimi i prindërve.
Ata pretendojnë se i vogli i tyre është infektuar në sistemin shëndetësor shqiptar, gjatë qëndrimit në pediatrinë e QSUT, duke mos e ditur ende ekzaktësisht se çka ndodhur me të voglin.
“Unë do të vazhdoj përpara sepse kam të gjitha evidencat e mundshme se nuk është kryer hetimi I duhur epidemiologjik sepse siç e bën në periudhën e COVID-it gjurmonin rastet në këtë rast nuk po e bëjnë për arsyen e thjeshtë sepse kanë frikë se ka fëmijë të tjerë të infektuar që unë uroj dhe shpresoj nga thellësia e zemrës time si prind që mos të ketë. Fakti tjetër është se mund të ketë fëmijë të tjerë të cilët janë mbartës të virusit dhe nuk e dine. Pra këta fëmijë të nderuar zgjedhin heshtjen për ta kaluar në heshtje këtë çështje por unë absolutisht nuk dorëzohem para absolutisht asnjë lloj komunikimi nga ana e tyre”, shprehej babai në një intervistë për media.
NGJARJA:
Në datën 1 dhjetor u dha lajmi se mes të infektuarve me HIV/AIDS ishte dhe një foshnje e porsalindur.
Në datën 28 nëntor të vitit 2021, fëmija u sëmur me bronshit vetëm 1 muaj pas lindjes, dhe u shtrua në reanimacionin e pediatrisë në QSUT. Fëmija qëndroi 1 javë në reanimacionin e “Mbretëresha Geraldinë” dhe u shtrua disa herë në pavione të ndryshme të QSUT-së.
Disa ditë pas daljes nga spitali, fëmija shfaq papritur një temperaturë 39 gradë, e cila i alarmoi prindërit. Deri në muajin mars të 2022 fëmija iu nënshtrua një sërë ekzaminimesh nëpër spitale. Pa dijeninë e prindërve një prej këtyre ekzaminimeve ishte edhe analiza për HIV/AIDS.
Autoritetet shëndetësore në Shqipëri kanë neglizhuar ose me qëllim nuk kanë testuar asnjë nga 135 bebet që kanë qenë të shtruar në të njëjtën kohë dhe të njëjtat pavione me 1-vjeçarin e infektuar nga 8 tetori deri në 15 tetor 2021dhe hetimi epidemiologjik ende nuk ka zbuluar se ku dhe si u infektua i vogli.
Sipas përgjigjeve që prindërit kanë marrë pasi fëmija i lindur më 8 tetor 2021, u identifikua me HIV AIDS në 2 mars 2022, në një hetim epidemiologjik me kërkesë të re, ISHP ka testuar vetëm personelin mjekësor, në maternitetin “Mbretëresha Geraldinë” ku i sapolinduri qëndroi në reanimacion, dhe në QSUT, ku në kohë të ndryshme fëmija u shtrua në disa reparte.
