Kryeministri Edi Rama mori pjesë këtë të hënë në Kongresin e parë të Shëndetësisë të mbajtur nga Ministria e Shëndetësisë. Rama njoftoi gjatë Kongresit të Shëndetësisë se paga e mjekëve specialistë duke filluar nga prilli do të rritet me 50 mijë lekë të reja në muaj.
Ikja e mjekëve ka dëmtuar sistemin tonë shëndetësor duke krijuar boshllëqe në qendra shëndetësore jo vetëm në rrethe por edhe në Tiranë. Paga që mjekët marrin në vendet e Europës i josh ata të largohen, kryesisht në Gjermani. Mesa duket, mënyra e Ramës për të frenuar paksa ikjen e mjekëve nga Shqipëria ishte të rriste pagat me 50 mijë lekë të reja në muaj.
“Më 30 prill mjekët specialistë do të fillojnë të marrin 50 mijë lekë të reja plus në pagën e tyre. Janë 500 dollarë plus në muaj, janë 6 mijë dollar plus në vitë. Janë duke filluar nga, ndërkohë që do të mbajmë zotimin për rritjen 7% të mjekëve të përgjithashëm dhe për infermierët. Shpresojnë që mjekët specialist të mos na kërkojnë dhe 7% plus mbi 50 mijë lekëshin. Në ndërkohë edhe mjekëve të përgjithshëm dhe infermierëve po u themi që ne po përgatisim rritje proporcionale me këtë të mjekëve specialist dhe shpresojmë shumë që në vitin 2024 do të kemi edhe për ta një rritje të ngjashme”, tha Rama.
