Bashkia e Kuçovës ka 32 vite që udhëhiqet nga të majtët traditcionalisht, për faktin që pjesa më e madhe ka ‘në gjak’ të majtën. Kandidimi i Lefter Maliqit duket si një bast i fituar i tij për ata që i thanë se e ke të kotë garën për kryetar bashkie në qytetin e Kuçovës.
Në kuadër të fushatës elektorale, Maliqi u premtoi banorëve të zonës së Kuçovës se pas fitores më 14 maj “në çdo fshat do të investohet në rrugë, kanale vaditëse e kulluese, ujësjellësa e kanalizime, rrugë parcelash dhe ullishte”.
Origjinaliteti ndër vite dhe qëndrimi i afër i qytetarëve i jep besim Maliqit për të pasur bindjen e fitores në bashkinë e Kuçovës.
“Takim optimist në Perondi. Të pranishëm Kryetari i PD, Dega Kuçovë, Z. Nertil Pasho, strukturat drejtuese të PD ish-Komuna Perondi, Kryetare e PL, Dega Kuçovë, Znj. Erisilda Hoxha dhe banorë pa dallim politik. Të vendosur për fitore të sigurt, më “14 Maj”. Perondia do të kthehet në “Kantier Ndërtimi” ashtu si edhe gjithë Bashkia Kuçovë. Mjetet; Fadrom, Kamion, Rul, Grel do të jenë nën administrimin e ish-Komunës Perondi. Në çdo fshat do të investohet në rrugë, kanale vaditëse e kulluese, ujësjellësa e kanalizime, rrugë parcelash dhe ullishte. Me investime gjithashtu në arsim, shendetësi dhe mirëqënie nga Velagoshti, Goraj, Magjatë, Perondi, Tapi, Ferëm Partizani dhe Lagjen Postbllok. Bashkia do u kthehet qytetarëve! Kuçova “Kantier Ndërtimi”!”, shkruan Maliqi teksa ndan fotografitë nga takimi me banorët e zonës së Kuçovës.
