Shehi është duke menduar se si të mundë Partizanin. Gjatë ditës së djeshme skuadra është marrë më shumë me anën taktike. Shehi ka punuar për kurthet që do të ngrejë ekipi për takimin e radhës në kampionat.
Trajneri ka kërkuar përqendrim, sidomos nga loja inaktive, qendrat dhe krahët ku në derbin e fundit, Partizani përfitoi nga gabimet e bardhebluve.
Po kështu, Tirana pritet që të luajë skemën 3-5-2, ndërsa bardheblutë luajnë me tre mbrojtës, pesë mesfushorë dhe dy sulmues.
Në portë si zakonisht do të luajë Visar Bekaj. Rreshtimi do të jetë me tre mbrojtës, duke nisur nga Najdovski, Lulaj dhe Behiratçe.
Mesfusha ka ndryshuar e gjitha, duke filluar nga krahu i majtë, ku do të luajë Rimal Haxhiu. Në krahun e djathtë do të luajë Përgjoni. Në mes do të jenë tre lojtarë, Aleksi, Deliu dhe Lushkja. Një alternativë është edhe Hila. Sulmi do të jetë i ndërtuar ngadyshja Hasani-Patrik.
Skema 3- 5-2 në disa raste ka qenë shumëe suksesshme, duke fituar ndeshje të ndryshme. Në këto kushte, trajneri Orges Shehi pritet të aplikojë këtë skemë. Tirana nuk e fiton derbin me Partizanin që prej 21 dhjetorit 2022.
Dy skuadrat e kryeqytetit janë respektivisht në vendin e parë dhe të dytë, teksa luftojnë për t’u shpallur kampionët e Shqipërisë.
FORMACIONI I MUNDSHËM:
4-3-3: Bekaj: Behiratce, Najdovski, Lulaj; Haxhiu, deliu, Aleksi, Lushkja, Përgjoni” Hasani, Patrick
