Ish-deputeti demokrat Genc Pollok a reaguar me anë të një postimi në Facebook për vendimin që Gjykata e Apelit mori mbrëmjen e sotme për vulën e Partisë Demokratike, duke njohur inidirekt Enkelejd Alibeajn si kryetarin në detyrë të selisë blu.
Vendimi i Apelit për të rrëzuar Agron Zhukrin për vendimin e 25 marsit 2022 dhe rikthimin për gjykim në Shkallën e Parë të çështjes së vulës në PD, sipas Pollos është një lëvizje e shëmtuar nga Edi Rama.
“Një njoftim i keq e i shëmtuar erdhi sot nga Gjykata e Apelit; e cila u shfaq si dorë e zgjatur e Edi Ramës për të goditur Partinë Demokratike dhe pluralizmin”, tha ai.
Por pavarësisht vendimit, Pollo shprehet se tashmë nuk është koha për të vajtuar për vulën dhe e bën të qartë se PD do të hyjë në zgjedhjet e 14 majit për të mposhtur Edi Ramën me kandidatët e përzgjedhur në Primare.
“E megjithatë nuk është momenti për të vajtuar logon dhe emrin e partisë. Ato do të korrigjohen një ditë tjetër. Siç do gjëndet nje zgjidhje e përkohshme për nesër e tutje.
Nuk ja vlen barra qeranë as t’u zëmë emrin në gojë atyre që morën peshqesh logon dhe emrin; sepse mund të ulemi në nivelin e tyre.
Fokusi ynë është fushata bashkiake me në ballë kandidatët tanë të mrekullueshëm. Aty do e gjejme forcën, drejtësinë e lirinë! Në 14 maj!”, nënvizon ish-deputeti i PD.