Seanca gjyqësore për ekstradimin e ruses Svetlana Timofevas është shtyrë sërish këtë të premte.
Timofeva ka kërkuar që kërkesa e prokurorisë të jetë në gjuhën ruse.
Seanca e radhës në gjykatën e Elbsanit do të mbahet në 17 mars.
Timofeeva është pas hekurave që pas arrestimit në gusht 2022 me dy persona të tjerë, pas incidentit në ish-uzinën e armëve në Gramsh.
Teksa po gjykohet lidhur me rastin dhe dyshimet se është pjesë e një agjenture të spiunazhit, po shqyrtohet po ashtu kërkesa e Rusisë për ekstradimin e saj.
Sipas autoriteteve ruse, Timofeeva është shpallur në kërkim nga një gjykatë e qarkut të Moskës për akuzën e marrjes së informacionit që përbën sekret shtetëror.
Timofeeva nga ana tjetër, ka kundërshtuar ekstradimin në Rusi. Avokati i saj ka ngritur shqetësimin e respektimit të të drejtave të njeriut nga shteti rus.
