Futbollisti i PSG, Achraf Hakimi është akuzuar për sulm se*sual, raporton AFP.
Mbrojtësi maroken u dëgjua të enjten nga hetuesit e sigurisë territoriale të “Hauts-de-Seine” në Paris, të cilët vendosën të hapin një hetim, pasi dëgjuan dëshminë e vajzës 23-vjeçare, e cila pretendon se është “viktimë” e futbollistit të njohur.
Ditët e fundit u publikua lajmi nga agjencitë franceze, të cilat shkruanin se Hakimi ishte denoncuar nga një vajzë 23-vjeçare për dhunë se*suale. Më 25 shkurt, kjo vajzë shkoi në stacionin e policisë “Nogent-sur-Marne” dhe tha se ishte përdhunuar nga futbollisti i PSG, i cili ishte vetëm në shtëpi, ndërsa gruaja dhe fëmijët e tij ishin në Dubai. Ai nuk ishte me ekipin, sepse është i lënduar.
Vajza nuk donte të ngrinte akuza, por autoritetet vepruan sipas detyrës zyrtare. Të dy janë njohur përmes rrjeteve sociale në mes të janarit dhe janë takuar për herë të parë të shtunën e kaluar, kur Hakimi dyshohet se ka abuzuar me vajzën. Gruaja më pas, pasi e ka goditur me shqelma, ka mundur të arratiset dhe ka gjetur ndihmën e paçmuar të një shok, që ka shkuar për ta marrë dhe e ka shoqëruar në polici.
Hakimi është rikthyer në stërvitje këtë të premte, më 3 mars. Ditët e fundit ai ishte dukur i qetë në “FIFA The Best”, por tani do të duhet të përballet me një hetim që mund të ketë pasoja shumë të rënda.
“Të pandehurit mund t’i kufizohen liritë, p.sh. me masë kontrolli gjyqësor, ose masë parandaluese të paraburgimit”, – thonë ekspertët e fushës mbi shqyrtim gjyqësor të rastit të Ashraf Hakimit.
🚨 I Achraf Hakimi fait son retour à l'entrainement collectif 🇲🇦✔️#PSGFCN pic.twitter.com/gny1B89UQg
— Canal Supporters (@CanalSupporters) March 3, 2023