Deputeti i Partisë Demokratike, Luçiano Boçi, thotë se data e protestës së sotme është një rastësi dhe se nuk ka lidhje me vendimin e Apelit për vulën e PD-së. Boçi thotë se qytetarët janë mbledhur për shkak të kushteve të vështira që korrupsioni i kryer nga kjo qeveri ka shkaktuar.
Në lidhje me vendimin për PD-në, Boçi thotë se ai njeh vetëm vendimin e gjykatës së shkallës së parë dhe se nuk e njeh apelin. “Unë nuk e njoh apelin, nuk e konsideroj edhe të ishte më i bukuri, unë respektoj vendimin e shkallës së parë.”- tha Boçi.
“Nuk proteston PD sepse e parashtruat gabim pyetjen, protestojnë qytetarët. Çështjet e protestët lidhen me një qeveri të korruptar, të gjendjes aktuale të mjerimit në Shqipëri, që nga varfëria që ka zënë shqiptarët, largimi i fëmijëve të tyre… Shqiptarët kërkojnë krijimin e një besimi të ri, një shpresë të re dhe e presin nga PD.
Ka një koicidencë me vendimin sot për PD, për mua ekziston një datë apeli dhe ato ndryshime të miratuara nga gjykata duheshin pranuar dhe duhej regjistruar PD si subjekt zgjedhor.
Ju e ndieni nga bisedat e njerëzve revoltimin e tyre, nuk ka të bëjë me vendimin për PD-në.
Kauza e korrupsionit ndërkombëtar, të mënyrës si është sjellë Rama me opozitën, si ka goditur sistemin demokratik, mirëqenien e shqiptarëve, nuk ka një seancë gjyqësore reale, sistemi i drejtësisë, për aq sa e njoh unë, nuk ka ankimim të vlefshëm.
Vendimi i gjykatës është një vendim i ndryshimeve statutore. Pse të mos ketë zemërim kur kryeministri hynë në xhepat e shqiptarëve, në familjet e shqiptarëve, ndërhynë në mekanizmat e drejstësisë.
Mos e çfokusoni vëmendjen për arsyet e mbledhjes së qytetarëve me vendimin për PD-në. Ky mban peng drejtësinë. Unë nuk e njoh apelin, nuk e konsideroj edhe të ishte më i bukuri, unë respektoj vendimin e shkallës së parë.
Do e shihni shumë mirë që ai do vazhdojë të mbajë peng opozitën, ai do përpiqet të krijojë precedent me qëllim të dalë i larë nga ajo pamje, që kryeministri i Shqipërisë korrupton mediat, drejtësinë dhe zyrtar të lartë të SHBA-së.
Kjo është një domosdoshmëri, Rama e ka pranuar dje në parlament për ato që ka bërë. Revolucioni ka vështirësitë e veta, ecën paralel me proceset gjyqësore.
Revolucion është ndryshimi i qeverive, po ata duhet të lexojnë se i duket vetja se po dolën në foltore janë të mençur.”- tha Boçi për Faxnews.
