Një plagosje me thikë ka ndodhur në Vlorë këtë të Martë. I lënduar ka mbetur një 52-vjeccar, i cili u transportua në spitalin rajonal. Autori është vënë në pranga. Sipas hetimeve parapake, plagosja erdhi në vazhdën e një konflikti për motive të dobëta.
“Sot, rreth orës 15:30, në lagjen ‘Partizani’, dyshohet se pas një konflikti për motive të dobëta, shtetasi Armando Mustafi, 33 vjeç, ka plagosur me mjet prerës (thikë), shtetasin Genci Seriani, 52 vjeç, i cili ndodhet në spital, nën kujdesin e mjekëve”, njoftoi policia.
A.M. u ndalua, ndërsa grupi hetimor vijon punën për zbardhjen e plotë të rrethanave të kësaj ngjarjeje, shtuan të njëjtat burime.
