Në total rreth 700 gram kokainë dhe 22 mijë euro CASH janë sekuestruar nga policia italiane e cila ka arrestuar “kapon” e një grupi të shpërndarjes së drogës në qendër të Savonës.
Mediat italiane bëjnë me dije se një shqiptar ka përfunduar në pranga për veprën penale posedim të lëndëve narkotike dhe pazare droge.
Për disa ditë policia kishte mbajtur nën vëzhgim lëvizjet e këtij shtetasi i cili vazhdimisht takohej me njerëz të ndryshëm ndërsa zotëronte një banesë në qendër të këtij qyteti.
Gjatë kontrollit në shtëpinë e tij, policia sekuestroi më pas rreth 200 gramë kokainë, mbi 22.000 euro para CASH dhe materiale të ndryshme për paketimin e dozave të drogës, si dhe çelësat e një shtëpie tjetër po në qendër të Savonës. Gjithashtu edhe tek shtëpia e dytë në pronësi të shqiptarit janë gjetur dhe sekuestruar rreth 500 gramë kokainë e pastër, disa celularë që dyshohet se përdoreshin për shpërndarje droge dhe kontabilitet për shitjen e drogës.
