Kryetari i Partisë Demokratike, Sali Berisha është shprehur se kryeministri Edi Rama dhe ish-agjenti i FBI-së, Charles McGonigal, kanë vendosur gjoba në vlerën e rreth 30 milionë dollarëve ndaj biznesmenëve shqiptarë.
Komentet Berisha i bëri gjatë një takimi me Grupin Parlamentar në selinë e Partisë Demokratike, ku tha se qytetarët duhet të ngrihen në protesta të fuqishme për këtë çështje, pasi sipas tij është i implikuar direkt kryeministri i vendit.
Berisha tha se nuk e kuptonte se përse institucionet përgjegjëse nuk nisën hetimet për këtë çështje korruptive që vijonte që prej vitit 2017 dhe sipas tij për hëtë gjë duhet një hetim i thellë.
“Në emër të Edi Ramës, bashkë me mafiozin Agron Neza, që u paraqitej viktimave të veta si officer i FBI-së, kalonin nga klubi në klub, nga restoranti në restorant, duke kërkuar biznesmenë për t’i terrorizuar. Se jeni në lista dhe duhet të merremi bashkë tani për të zgjidhur problemet, përndryshe jeni në blackliste. Data e fundit është në maj të vitit 2022. Por kjo nuk do të thotë se pas majit nuk ka vijuar ky gjah mafioz. Studentët e Ekuadorit u derdhën në rrugë vetëm sepse një ministër i tyre doli i lidhur me dy mafiozë shqiptarë. A mundet ne që të pranojmë, kur nuk bëhet fjalë për 2 mafiozë dosido, por për një krimministër që porosit vrasjen e opozitës përmes shefit të kundërzbulimit të FBI-së”, u shpreh Berisha.
“Për aq sa McGonigal për llogari të Edi Ramës arrinte të angazhonte edhe Prokurorë që i sillte në Vjenë, ndërkohë Rama urdhëronte Etilda Gjonin, që ishte mimistre e Drejtësisë që të ishte pjesë e këtij ansambli në Vjenë. Prandaj Rama ka frikë nga hetimi. Me asgjë nuk e fsheh dot ti këtë. Ky është vetëm një nga elementët. Në shkrimin e njërit prej artikujve të një ish-oficeri të CIA-s, thuhet se gjobat shkojnë në mbi 30 milionë dollarë. Habia e madhe është se farë i shurdhoi dhe verboi, nga 2017 e deri në maj të vitit të kaluar që e di unë, sytë dhe veshët e atyre në Tiranë që kishin për detyrë ta zbulonin, ta hetonin këtë ështje. Kjo duhet të ketë një hetim të thellë”, shtoi ai.
Lexo edhe:
Berisha: Rama i pashpresë përballë aferës McGonigal
Berisha nxjerr emra, zbulon ish-ministren që Rama dërgoi te McGonigal në Vjenë
