Partia Socialiste e Edi Ramës jo vetëm i ka hequr të drejtën e fjalës opozitës por së fundmi ka nisur një fushatë të madhe përjashtimesh të deputetëve të Partisë Demokratike.
Demokratët në seancat e fundit janë shfaqur kritik me qeverinë dhe veçanërisht me kryeministrin Edi Rama të cilit i kanë kërkuar të japë “llogari” për implikimin e tij në aferën “McGonigal” me qëllim asgjësimin politik të opozitës.
Pasi ka përjashtuar thuajse gjysmën e grupit parlamentar të Partisë Demokratike nga Parlamenti, “Rilindja e Edi Ramës” së fundmi ka përjashtuar edhe 6 deputetë të tjerë të opozitës. Përjashtimet nisin nga 3 ditë deri maksimumi në 10 ditë për deputetë Spaho, Bylykbashi dhe Hoti.
Vendimi për përjashtim të deputetëve të PD-së:
Lindita Metalia, përjashtohet 5 ditë;
Greta Bardeli, përjashtohet 3 dite,
Edmond Spaho, përjashtohet 10 dite,
Oerd Bylykbashi, përjashtohet 10 dite
Elda Hoti, përjashtohet 10 dite
Vendimi për të përjashtuar deputetët u mor në Sekretariatin për Procedurat, Votimet dhe Etikën në Kuvend. Kërkesa për përjashtimin e deputetëve të Partisë Demokratike erdhi nga maxhoranca socialiste në lidhje me bllokimin e foltores dhe kaosin e shkaktuar gjatë seancës plenare të së enjtes.
Deputetët e Partisë Demokratike, me në krye ish-kryeministrin Berisha gjatë seancës së shkuar kërkuan “llogari” për mungesën e kryeministrit Edi Rama dhe kërkojnë një mocioni me debat në lidhje me përfshirjen e tij në “çështjen McGonigal”.
Ndërkohë Sali Berisha më parë ka paralajmëruar një tjetër protestë më 3 mars, ditën kur Gjykata do të vendosë kujt do t’ia japë “vulën” e Partisë Demokratike.
