Sekretariati i Etikës ka përjashtuar sot nga punimet e Kuvendit, gjashtë deputetë të tjerë të Partisë Demokratike
Sekretariati vendosi që Edmond Spaho, Oerd Bylykbashi, Elda Hoti dhe Sorina Koti nuk do të lejohen në seancë për 10 ditë, ndërsa Lindita Metaliaj është përjashtuar për 5 ditë dhe Greta Bardeli për 3 ditë.
Më 16 shkurt, Byroja e Kuvendit mban në fuqi vendimin e Sekretariatit të Etikës për të përjashtuar për 10 ditë nga punimet Sali Berishën dhe Flamur Nokën, si dhe për 5 ditë Edi Palokën dhe Belind Këlliçin.
Vendimi për gjashtë deputetët e tjerë u mor pas kërkesës së grupit parlamentar të Partisë Socialiste, të cilët akuzojnë kolegët demokratë për pengim të vazhdueshëm të mbarëvajtjes së punimeve në seancat plenare.
