Kreu i PD-së, Sali Berisha ka akuzuar kryeministrin Edi Rama se me shpenzimet e tij personale tejkalon disa herë diktatorin Enver Hoxha. Në fjalën e tij në Konventën e ‘Grupimit ‘90’, Berisha krahasoi shpenzimet e Hoxhës me Ramën.
Berisha tha se “Enver Hoxha kishte në shtëpi 3 dynym qylyma por kryeministri Rama në aferën e fundit ka shpenzuar 4 milionë euro instilacionin për të blerë korrupsion, për të blerë influenca, për të blerë deklarata, për të blerë mbështetje, me paratë e atyre që ikin dhe marrin gomonet”.
Berisha përmendi dhe udhëtimet e Ramës me avion i cili ka shpenzuar 22 milionë euro.
“Më kujtohet në 1991 në Parlament dhe grihet një ish-sekretar i komitetit dhe thotë se s’më shkonte mendja kurrë se Enver Hoxha kishte 3 dynym qylyma në shtëpi. 3 dynym qylyma, po Edi Rama mo, po blen nipi i Spiro Kolekës dhe i biri i xhelatit që firmosi varjen në litar të Avzi Nelës, 4 milionë euro instilacionin për të blerë korrupsion, për të blerë influenca, për të blerë deklarata, për të blerë mbështetje, me paratë e atyre që ikin marrin gomonet.
Ai përmendi 3 dynym qylyma po Edi Rama 22 milionë euro udhëtime me avion sikur është i biri i sulltanit apo i mbretit të Arabisë Saudite.”- tha Berisha.
