Rinis ngjeshja e kalendarit, teksa Partizanin e presin tri beteja shumë vendimtare për vazhdimësinë e sezonit.
Të premten të kuqtë sfidojnë Kukësin në transfertë, një përballje shumë e vështirë, që kërkon impenjim të madh, por edhe menaxhim, pasi pak ditë më pas, më datë 1 mars, të kuqtë sfidojnë në Shkodër, Vllazninë në ndeshjen e parë të çerekfinaleve të Kupës.
Përveç Superiores, edhe Kupa është objektiv i të kuqve, teksa me shkodranët në këtë kompeticion kanë edhe inate të vjetra prej sezonit të vjetshëm.
Pesë ditë më pas të kuqtë luajnë një nga sfidat më të forta të sezonit, atë ndaj Tiranës në “Air Albania”, me “demat” si pritës. Skuadrën e Kolelës e presin tri sfida vendimtare.
