Më datë 2 mars do të mbahet mocioni me debat sa i takon çështjes McGonigal-Rama.
Data u vendos pas një votimi të hapur në Kuvend, ku mazhoranca socialiste votoi “PRO” kërkesës së opozitës për të zhvilluar debat me kryeministrin Edi Rama i cili duhet të japë “llogari” për implikimin e tij në këtë aferë lobimi kundër opozitës shqiptare.
“Brenda datës dy mars mocion me debat, të cilat i janë bashkuar interpelanca dhe dy pyetje, do zhvillohen më dy mars. Kush është dakord me këtë propozim? Mocioni me debat, se bashku me interpelancën dhe pyetje, do mbahet më dy mars. Të gjithë do keni të drejtë të flisni”, tha drejtuesja e seancës, Ermonela Felaj.
Në mocion janë përfshirë edhe interpelanca dhe të gjitha pyetjet e kërkuara nga opozita. Sakaq Berisha menjëherë pas këtij lajmi para protestuesve tha se nëse Rama nuk vjen në Kuvend, ata do ti shkojnë në Surrel.
