Allison Guerriero, ish-e dashura e ish-zyrtarit të lartë të FBI, Charles McGonigal, ka dalë sërish në skenë duke dhënë një tjetër deklaratë.
E ftuar në rrjetin televiziv amerikan, One America News ajo ka shpjeguar se çfarë kishte shkruar në emailin që i dërgoi drejtuesve të FBI, ku kërkonte që të hetonin për Charles McGonigal pas ndarjes nga ai.
“Kam shkruar: çfarë dreqin po bën ai në Shqipëri, duke i dhënë burimet e FBI-së te kryeministri i atij vendi, kryeministrit Rama”, tha Guerriero.
Ajo tha se në në atë kohë hodhi në Twitter një foto të Charles McGonigal me kryeministrin Edi Rama, por e fshiu më pas.
Po ashtu gjatë intervistës ajo është shprehur se Edi Rama është politikani më i korruptuar për të cilin kishte dëgjuar.
Pjesë nga intervista
Allison, çfarë dije për marrëdhëniet e tij të biznesit në Shqipëri në atë kohë?
“Mendoja se ata janë një vend aleat i NATO-s, ndjeja se ata po vinin te FBI, te vendi ynë, që t’i ndihmojmë të çrrënjosin korrupsionin. Por rezulton se Charles, pasi lexon aktpadinë, nuk kishte asnjë qëllim që të çrrënjoste korrupsionin.
Dua të them, Edi Rama është ndoshta politikani më i korruptuar për të cilin kam dëgjuar.
Sipas dokumenteve, ai bëri disa udhëtime në Shqipëri për të ndihmuar kryeministrin Edi Rama, përfshirë edhe në shtator të vitit 2017.
Ju ishit bashkë në atë kohë…
Ishim, dhe ai telefononte dhe dërgonte mesazhe përditë. Edhe pse ky udhëtim ishte pjesërisht kishte të bënte me FBI-në dhe misionin e tij, por kishte një qëllim jozyrtar, që të ndihmonte kryeministrin Edi Rama që të sulmonte kundërshtarët dhe McGonigal ishte shumë i përfshirë në këtë…E dini, nuk e di shtrirjen e këtij implikimi, ajo do dalë në gjykatë.
Kujtojmë që Guerriero i ka bërë jehonë para disa ditësh protestës së organizuar nga opozita ku kërkohej dorëheqja e Ramës.
Guerriero, u ka uruar shqiptarëve fat, në protestat e tyre për largimin e Ramës teksa ka shpërndarë në Twitter, ku shkruhet se “mijëra shqiptarë kanë dalë në protestë duke i kërkuar dorëheqjen Edi Ramës, pas përfshirjes së tij në korruptimin e shefit të kundërzbulimit të FBI-së së Nju Jorkut, me qëllim për të luftuar opozitën në Shqipëri, duke hapur hetime në SHBA”.
Në në tjetër intervistë ish e dashura e zyrtarit të FBI-së është pyetur se pse i kishte përmendur në email udhëtimet e tij në Shqipëri, Guerriero u përgigj: Nga fundi i marrëdhënies sonë e ndjeva se diçka nuk po shkonte por nuk e dija çfarë. Kurrë nuk imagjinoja që do të tradhtonte SHBA-në. Për ketë jam e zemëruar që nuk më ka tradhtuar vetëm mua, familjen time dhe të tijën, por edhe SHBA-në vendin tonë. Armiqtë e Amerikës janë edhe armiqtë e mi, besoj se ai duhet të jetë në burg për gjithë jetën e tij për atë që ka bërë. Jam e sigurtë që mund të ketë shumë më shumë se ato akuza që Charlie mund të ketë bërë si në Shqipëri, me rusët, por edhe në vende të tjera të Ballkanit. Por edhe këtu në SHBA që ka kompromentuar sigurinë kombëtare por edhe të vendeve të tjera të NATO-s.
Guerriero e ka parë gjithmonë të pazakontë lidhjen e Ramës me McGonigal.
“ Charlie më thoshte që ishte mik me Kryeministrin Rama dhe mu duk e pazakontë që një agjentë i këtij niveli të lartë të FBI të ketë një miqësi të tillë. Ata shpesh flisnin në telefon me Viasat dhe më tregonte foto që kishin qenë bashkë. Më dukej një miqësi e pazakontë. Kur Rama ishte në New York, Charlie më tha që ata kishin ngrënë darkë bashkë në një restorant të shtrenjtë dhe për mua kjo ishe një gjë që një agjent i FBI nuk duhet ta bënte”, ka thënë Allison.
